Имрӯз, 27 июни соли 2026, дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон ва 29-солагии Рӯзи Ваҳдати миллӣ, дар ноҳияи Рашт боз ду иншооти муҳими иҷтимоию хизматрасонӣ мавриди истифода қарор гирифт.
Бо иштироки раиси ноҳияи Рашт, узви Маҷлиси миллии Маҷлиси Олии Ҷумҳурии Тоҷикистон, муҳтарам Идизода Зарина Фузайлшо, дар Ҷамоати деҳоти Нусратулло Махсум нуқтаи сайёҳӣ ва маркази савдо расман ифтитоҳ гардид.
Зимни суханронӣ раиси ноҳия иброз доштанд, ки бунёди чунин иншоотҳо самараи сиёсати хирадмандонаву бунёдкоронаи Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон буда, бо дастгирии Ҳукумати Ҷумҳурии Тоҷикистон ҷиҳати истиқболи арзандаи ҷашни бузурги миллӣ амалӣ мегарданд.
Таъкид гардид, ки мавриди истифода қарор гирифтани иншооти нав ба беҳтар гардидани сатҳи хизматрасонӣ, фароҳам овардани шароити мусоид барои сокинон, рушди инфрасохтор ва таҳкими иқтидори иҷтимоию иқтисодии ноҳияи Рашт мусоидат намуда, дар ободонӣ ва пешрафти ноҳия нақши муҳим хоҳад гузошт.
Имрӯз мардуми шарафманди ноҳияи Рашт бо рӯҳияи баланди ватандӯстӣ ва заҳмати созанда корҳои ободониву бунёдкориро густариш дода, барои истиқболи сазовори 35-солагии Истиқлоли давлатии Ҷумҳурии Тоҷикистон саҳми арзандаи худро мегузоранд.
