МИЗИ МУДАВВАР

Бо мақсади татбиқи «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021–2030», дар Ҷамоатҳои деҳоти Ҳоит ва Ясман як қатор тадбирҳои мушаххас амалӣ гардида истодаанд.
Стратегияи мазкур ба баланд бардоштани мавқеи занон дар ҷомеа, фароҳам овардани шароити мусоид барои иштироки онҳо дар ҳаёти иҷтимоӣ, иқтисодӣ ва сиёсӣ, таҳкими оила ва таъмини баробарҳуқуқии гендерӣ равона шудааст.
Дар ин ҷамоатҳо ҷиҳати иҷрои самтҳои афзалиятноки стратегия корҳои фаҳмондадиҳӣ оид ба баланд бардоштани маърифати ҳуқуқии занон, пешгирии зӯроварӣ дар оила, таҳкими муносибатҳои оилавӣ ва риояи ҳуқуқу манфиатҳои занону духтарон ба роҳ монда шудаанд.  Ҳамзамон, бо мақсади мусоидат ба шуғли занон ва рушди соҳибкории занона, занон ба курсҳои омӯзишии касбӣ, семинарҳо ва машваратҳои омӯзишӣ ҷалб гардида, корҳои иттилоотӣ вобаста ба истифодаи имтиёзҳои давлатӣ ва имкониятҳои мавҷуда анҷом дода мешаванд.   Дар маҷмӯъ, татбиқи пайгиронаи Стратегияи миллии фаъолгардонии нақши занон дар Ҷамоатҳои деҳоти Ҳоит ва Ясман ба таҳкими мақоми занон, рушди устувори ҷомеаи маҳаллӣ ва беҳтар гардидани сатҳи зиндагии аҳолӣ мусоидат менамояд.