«ОИНАИ РАШТ» – ОИНАИ ЗИНДАГИИ МОВУ ШУМОСТ!
«Оинаи Рашт» нашрияи мақомоти иҷроияи ҳокимияти давлатии ноҳияи Рашт буда, минбари розу ниёз ва инъикосгари дастоварду комёбиҳои мост;
Оинаест, ки дар муқобили офтоби рӯзгорамон қарор гирифта, нурҳои онро дар худ мунъакис месозаду ба сӯи дуриҳои дур, яъне ба ояндагонамон мефиристад;
Оинаест, ки дар соҳати он гузаштаи дуру наздики диёрамонро мебинем;
Инъикосгари ҷонибдориҳои мардуми ноҳия аз сиёсати хирадмандонаи Пешвои муаззами миллат аст;
Пулест миёни раиси ноҳия ва тамоми қишри ҷомеа;
Равзанаи ошноист бо шахсиятҳои муваффақу соҳибмақоми ноҳия;
Кашшофи истеъдодҳои нодири диёри мост;
Ягона минбарест, ки баҳри рушди ҷомеа, эҳёи ҳисси миллӣ ва тафаккури хештаншиносии мардуми ноҳияи мо хизмат мекунад;
Рӯзномаест, чун оинаи ибратбин, воқеияти ҳаётро ҳамаҷониба инъикос карда, моро ба накукорӣ ва созандагию бунёдкорӣ ҳидоят мекунад.
