Дар   ноҳияи Рашт –шаҳраки Ғарм аксияи тозагӣ баргузор гардид.
Гуфта мешавад, ки Рашт ноҳияи марказии водӣ буда, бо манзараҳои дилфиребу табиати биҳиштосояш дар меҳвари таваҷҷуҳи дӯстдорони сайру сайёҳат қарор дорад. Ҳамарӯза дар ин диёр, махсусан дар шаҳраки Ғарм меҳмонони зиёде рафтуо мекунанд.
Аз ин хотир, барои тозаю озода нигоҳ доштани ҳар гӯшаи он, бахусус шароити мусоиди истироҳат муҳайё кардан барои меҳмонону бошандагони маҳаллӣ аз тарафи Мақомоти иҷроияи ҳокимияти давлатии ноҳия, бахусус раиси ноҳия Идизода Зарина Фузайлшо ҳамвора тадбирҳои судманд мавриди амал қарор мегирад.
Ёдовар мешавем, ташаббусҳои мавриди назар аз роҳи сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омада, дар ноҳияи Рашт вобаста ба истиқболи сазовори Ҷашни 35-солагии Истиқлоли давлатии кишвар бобати тозаю озода нигоҳ доштани маҳалҳои аҳолинишин, бунёди иншоотҳои ҳозиразамон, шароити мусоид фароҳам овардан дар меҳмонхонаю ошхонаҳо ва сарсабзу хуррам гардонии ҳар гӯшаи он пайваста чунин аксияву шанбегиҳо ва нишасту вохӯриҳои фаҳмондадиҳӣ гузаронида мешавад.