Санаи 23 феврали соли равон дар асоси амри раиси ноҳияи Рашт аз 29 январи соли 2024, № 9 дар Мақомоти иҷроияи ҳокимияти давлатии ноҳияи Рашт озмун барои ишғоли мансабҳои холии маъмурии хизмати давлатӣ баргузор гардид.
Вобаста ба баргузории озмуни мазкур дар рӯзномаи маҳаллии “Оинаи Рашт” эълон ва нашр гардида, аз ҷониби 14 нафар довталабон ба унвони раиси Комиссия ҳуҷҷатҳои лозима пешниҳод гардиданд. Озмуни мазкур аз ҷониби ҳайати Комиссия ба таври шаффофу одилона баргузор гардид.
Дар озмун раиси комиссия, муовини аввали раиси ноҳия – Шаифзода Ҳамдулло Ҳоҷӣ, Латифзода Фирдав мутахассиси пешбари шуъбаи Агентии хизмати давлатии назди Президенти Ҷумҳурии Тоҷикистон дар шаҳри Душанбе ва шаҳру ноҳияҳои тобеи ҷумҳурӣ ва дигар аъзоёни комиссия иштирок намудаанд.
