Рӯзи 10.06.2023 дар муассисаи №82 деҳаи Чорбоғ ҷамоати Нусратуло Махсум ноҳияи Рашт медали”ҶАСОРАТ” ба Ҷумаев Сабрддин пас аз марг, баргузор гардид. Медали”Ҷасорат”ро бо дастури Пешвои миллат муҳтарам Эмомалӣ Раҳмон, муовини фармондеҳи ҚС КДАМ генерал майор Назарзода Турабек Камол ба падари сарбози шаҳид супурд.
Дар ин маросим раиси ноҳия Рашт муҳтарам Муқимӣ Раҳимҷон Набизода, раиси ноҳия Лахш муҳтарам Холзода Каромиддин, кормандони дастгоҳи раиси ноҳияи Рашт, директорони муассисаҳои таълимии ҳудуди ноҳия ва пайвандони сарбози шаҳид иштирок доштанд.
Генерал майор Назарзода Турабек зимни тақдими медали Ҷасорат гуфт, ки хидматҳои афсарон ва сарбозоне, ки ҳангоми ҳимояи марзи давлатӣ ба шаҳодат расидаанд, сарфи назар нахоҳад шуд ва аз ҷониби Ҳукумати Ҷумҳурии Тоҷикистон ва сафармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон қадрдонӣ хоҳад шуд.
Раиси ноҳия Рашт муҳтарам Муқимӣ Раҳимҷон Набизода зимни суханронӣ гуфт, ки ин мукофоти давлатӣ, ки аз тарафи Пешвои миллат муҳтарам Эмомалӣ Раҳмон ба сарбози шаҳид Ҷумаев Сабрддин тақдим шуд, нишони равшан ва барҷастаи арҷ гузоштан ба афсарон ва сарбозонест, ки марзу буми кишвари худро аз душманон ҳимоят мекунанд ва дар таъмини сулҳ субот ва амнияти кишвари азизамон саҳм мегузоранд.
Ёдовар мешавем, ки Ҷумаев Сабрддин ҳангоми заду хурдҳои марзии соли гузашта ҷонро ба роҳи ватан фидо намуд 17.09.2022 дар мазори зодгоҳаш деҳаи Чорбоғ ноҳияи Рашт ба хок супурда шуд.
Руҳаш шод, мақомаш биҳишти ҷовидонӣ ва ёду номаш гиромӣ бод!
